Saammaateqatigiinnissamut isumalioqatigiissitaq ukiumut sisamariarluni ataatsimiittassaaq, qaammatit pingasukkaarlugit agguarneqartumik, immikkut ittumik ataatsimiinnissaq periarfissaqarluni. Ukiumut ataatsimiinnernit ataaseq marlulluunniit periusissanut kiisalu malinnaaqatigiinnik oqaloqatigiilluni ataatsimeeqateqarnermut tunngassapput.

Ataatsimiinnerit sapinngisamik Nuummi ilaasortat amerlanerpaat ingerlanneqassapput najugaqarfigisaanni. Ilaasortanut nunani allani najugaqartunut tunngatillugu ataatsimiinnerni peqataaneq aalajangersimasumik annertussuseqartumik aammalu erseqqinnerusumik isumaqatigiissuteqarneq malillugu, digitalimik atortorissaarutit aqqutigalugit pisinnaassaaq.

Aaqqissuussinerit innuttaasunik peqataatitsiviusut

Saammaateqatigiinnissamut isumalioqatigiissitap sammisassat arlallit, piorsarsimasutsikkut inuiaqatigiinnilu unammiligassanik, taakkua inuiaqatigiinni oqallisigineqarsinnaanissaannut atitunerusumillu suliarineqarsinnaanissaannut, paasinarsisitsisussat aallartissavai.

Isumalioqatigiissitaq ilisimasanik katersissaaq, Kalaallit Nunaanni ineriartorneq pillugu oqaloqatigiissitsissalluni aammalu paasisimannitsitsilissalluni, aamma inuiaqatigiinni pissutsit pillugit ilisimasat aammalu innuttaasut akornanni paasinninnerup annertunerulernissaanut peqataassalluni.

Saammaateqatigiinnissamut isumalioqatigiissitaq suliaqarneermini innuttaasunik peqataatitsiviusumik sammisaqartitsisassaaq, tamanut ammasumik paasititsiniaanermik suliniuteqassalluni.

Saammaateqatigiinnissamut Isumalioqatigiissitap sulinermut iliuusissaata takussutissartaa takuuk