Isiginnaagassialiaq saqqummerpoq

Saammaateqatigiinnissamut Isumalioqatigiissitap isiginnaagassialiaq qulequtaqartoq “Saammaassiniarnerup aqqani” saqqummersippaa. Isiginnaagassialiaq apersuinerni immiussat aallaavigalugit allataavoq, immiussat Saammaateqatigiinnissamut Isumalioqatigiissitap Kalaallit Nunaata sineriaani katersarisimasaanni. Isiginnaagassialiaq tusagassiortumit isiginnaartitsisartumillu Vivi Sørensenimit suliarineqarpoq.

Isiginnaagassialiaq pissanganarpoq, atuarneranilu oqaluttuat allaatigineqartut tiguartinnarlutik. Isumalioqatigiissitap immiussat eqqumiitsuliorpalaartumik saqqummiukkusussimavai, sapinngisamik siammasissumik inuit angorusullugit.

“Nuannaarutigalugu saqqummiupparput isiginnaagassialiaq qulequtaqartoq “Saammaassiniarnerup aqqani”. Inuit immiunneqartut oqaluttuaat oqariartuutaallu aallaavigalugit allataavoq, tassani Kalaallit Nunaata oqaluttuarisaanerata ilaa aammalu Kalaallit Nunaanni inuiaqatigiinni pissutsit piviusut ersersinneqarput. Maanna soqutiginnittunit atuarneqarsinnaalerpoq, aammattaaq assersuutigalugu ilinniarfeqarfinni assigiinngitsuni atuartitsinerni atorneqarsinnaalerluni”, taama oqaaseqarpoq Siulittaasoq Josef Therkildsen.

Isiginnaagassialiaq uani  aaneqarsinnaavoq: Saammaassiniarnerup aqqani GL

Paasissutissat annertunerusut pillugit attavigiuk:

Saammaateqatigiinnissamut Isumalioqatigiissitap allattoqarfia

E-mail: molm@nanoq.gl imaluunniit anto@nanoq.gl

Oqarasuaat 55 98 01