Ilumoortoq & saammaateqatigiinnissamut isumalioqatigiissitat naatsumik

Qanoq ilumoortunut saammaateqatigiinnermullu isumalioqatigiissitaliat nunani tamalaani pilersimanersut oqaluttuassartaa, inuit pisinnaatitaaffiisa sorsunnersuup kingorna sammineqarnerulernerat eqqarsaatigalugu isigineqassaaq. Sorsunnerit, sivisuumik persuttaaffiusumik akerleriinnerit aamma assersuutigalugu nunap inoqqaavinut peqqarniitsuliornerit sammineqalerput, iluarseeqqiffiusumik naapertuilluartumik iliuuseqartoqartariaqartoq. Taamaattumik ilumoortunut saammaateqatigiinnermullu isumalioqatigiissitalianik peqarnera, oqartussaaqataalernissamut naapertuilluarnermullu tunngatillugu isigineqarsinnaavoq. Taamaattumik ilumoortunut isumalioqatigiissitaliat amerlasuut immikkut pisut taamaattut, assersuutigalugu innuttaasut sorsuunnerisa kingunerisaannik imaluunniit naalakkersuisut peqqarniitsumik naqisimanninnerisa qaangiunneranni pisimagajuttartut, sammisarsimavaat.