Tikilluarit.

Nassiussaqarnissamut periarfissaq siulleq maanna ammavoq, saqqummiussassap qulequtaa abstract-ilu nassinnissaata kingusinnerpaamik killigititaa Februarip 28-iulluni 2017. Sukumiinerusumik paasissutissat peqataanissamut tunngatillugu qulequtaq alakkaruk.

Qulequttap ilisimatuut, politikerit allallu ataatsimiinnissamut qaaqquai, oqallinnermut tunniusseqataanissamut ilisimasani sammisanut assigiinngitsunut, soorlu inunnik isumaginninnermi misigisat oqaluttuarisaanerlu, nunap inoqqaavi pisinnaatitaaffii  ilinniartitaanermi, inuiaqatigiinni kulturimilu kingornussat eqqartorlugit.

Qulequttamut 'Qanga, nalitsinni, aamma siunissaq – Saammaateqatigiinneq, ilikkariartorneq kulturikkullu immikkuullarissutsit', qaaqusisut, Perorsaanermik Ilinniarfik, Saammaateqatigiinnissamut Isumalioqatigiissitarlu suleqatigiillutik, Ilulissanut April-ip 1-2 2017 qaaqquaatit ilisimasanik paarlaasseqatigiinnissamut, ilanngusseqataanissamut.

Aaqqissuinermi pilersaarusiortut ingammik saqqummiinerit, oqallissaarutit, takorluinerit allallu periarfissat oqaloqatigiinnisamut qulequttamut Qanganngortoq, nalitsinni, siunissaq – Saammaateqatigiinneq, ilikkariartorneq kulturikkullu immikkuullarissutsit, tikilluaqqusivoq. Imarisinnaallugit:

  • Saammaateqatigiinneq nunasiaataajunnaarsagaaneq
  • Nunasiaataasimanerup nunasiaataareernerullu kingornani atassuteqaataat, inooqatigiinnullu ilanngutivinneq
  • Oqaluttuat aqqutigalugit ingerlatitseqqiisarneq teoriillu
  • Inuiaqatigiit aallaavigalugit ilisimatusarnernut tunngasut
  • Ilisimasat kinaassuserlu
  • Avatangiisinik tunngasunik ilinniarneq aamma naleqartitat
  • Teori, periaaseq sulisaaserlu
  • Ilaqutariinni naleqartitat, meeqqat, inuusuttut, utoqqaat
  • Ileqqut, Kulturkanon, imaluunniit akerleriinneq

Tikilluaqqusiitigaluni ilassinninneq Perorsaanermik Ilinniarfiup Aula-ni, unnukkut tallimanngornermi Marsip 31-ni pissaaq. Saqqummiinerit workshops-illu arfininngornermi Aprilip aallaqqaataani ullaakkut aallartissapput, nanginneqartussaallutillu ualikkut kingusissumut sapaammi Aprilip aappaanni.

Banquet, nereqatigiinneq, sapaammi Aprilip aappaanni unnukkut Perorsaanermik Ilinniarfimmi ingerlanneqassaaq.

Ataatsimeersuarneq asialiartitsinermik malitseqassaaq. Aaqqissuussinerit, angalaartitsinerit assigiinngitsut pilersaarutaapput, Ilulissat Qeqertarsuullu Tunuata kulturikkut, oqaluttuarisaanikkut pinngortitallu ilisimatuussutsikkut kingornussaata ilaat erseqqissarniarlugit.

Ataatsimeersuarnermi siuuttuusut

  • Saammaateqatigiinnissamut Isumalioqatigiissitap siulittaasua Josef Therkildsen/ Saammaateqatigiinnissamut Isumalioqatigiissitami ataqqinaammik ilaasortaq, Dr. Karla Jessen Williamson, University of Saskatchewan
  • Forstanderi Nuka Kleemann, Perorsaanermik Ilinniarfik

Paasissutissat amerlanerusut, program-imut atatillugu anguniagassatut pilersaarusiami nutaanngorsaanerit, nittartakkamut aalaakkaasumik ilineqartassapput.