Malinnaasitat

Malinnaasitaq politikkikkut toqqarneqartoq

Malinnaasitat immikkoortortaavoq politikkikkut pilersinneqartoq, Naalakkersuisut kissaateqarnerat malillugu politikkikkut partiinit Inatsisartuni ilaasortaatitaqartunit toqqagaasunik ilaasortaaffigineqarluni.

Saammaateqatigiinnissamut isumalioqatigiissitamut malinnaasitat politikkikkut toqqagaasunik ilaasortaqartut, isumalioqatigiissitap sulineranut malinnaapput aammalu atitunerusumik ilisimasanik paarlaasseqatigiinnissamut oqallinnissamullu peqataallutik.

Isumalioqatigiissitap malinnaasitat ukiumut marloriarlutik ataatsimeeqatigisassavai. Malinnaasitaniit akissuteqarfigineqarnissaq siunertaralugu Isumalioqatigiissitami ilaasortat suliaqarnertik anguniakkatillu pillugit killiffiit saqqummiuttassavaat. Malinnaasitat tassunga atatillugu isumalioqatigiissitap sulineranut isummersuutiminnik saqqummiussinissamut periarfissaqassapput.

Partiit ataasiakkaat immikkut aallartitamik ataatsimik toqqaapput, taakkualu ataatsimoorlutik malinnaasitami tallimanik ilaasortaatitaqarput.

 

Siumut

Inuit Ataqatigiit

Demokraatit

Atassut