Aallartilluarneq

Saammaateqatigiinnissamut isumalioqatigiissitap sapaatip akunnerani uani nuna tamakkerlugu paasititsiniutini aallartippaa. TV-kkut isiginnaartartut qilanaarisinnaavaat Saammaateqatigiinnissamut isumalioqatigiissitap TV-kkut aallakaatitanut akunnermiuliussaliaa naatsoq, KNR-TV-kkut sapaatip akunnerani uani takutinneqartussaq.

-Isumalioqatigiissitami ataatsimiinnitsinni siullermi aalajangiussimavarput paasititsiniutissamik sanasoqarnissaa, tassani pilersikkusullugu isumalioqatigiissitap suliaannik paasisimasaqarneq aammalu erseqqissaaneq annerusoq. Isumalioqatigiissitap suliaanni inuiaqatigiit aallaavigineqarput, taamaattumik siammasissumik inuiaqatigiinnik peqataatitsineq pisariaqarpoq. Saammaateqatigiinnissap ingerlarnga inuiaqatigiinnit malinnaavigineqarlunilu taperserneqarsinnaassaaq. Taamaattumik TV-kkut aallakaatitanut akunnermiliussaliaq pingaaruteqartutut isigaarput inuiaqatigiinnik peqataatitsinerummat, paasititsiniutit allat aallartisarsimasagut assigai, soorlu isumalioqatigiissitap nittartagaatigut, radiokkut apersorneqarnikkut aviisitigullu ilanngussat. Jens Heinrich isumalioqatigiissitaq sinnerlugu paasititsiniut aallartinneqartoq pillugu taama oqaaseqarpoq.

TV-kkut aallakaatitanut akunnermiliunneqartartussaq nutaaq, isumalioqatigiissitap paasititsiniutitut suliaa KNR-TV-kkut takutinneqassaaq aammalu Saammaateqatigiinnissamut isumalioqatigiissitap nittartagaani takuneqarsinnaalissaaq. Isumalioqatigiissitap ÀnorâK Film suleqatigalugu TV-kkut aallakaatitanut akunnermiliuttartussaq suliaraa, nipilersuutaa Nanookimiit suliarineqarpoq.

 

Saammaateqatigiinnissamut isumalioqatigiissitap paasititsiniutaa takuuk

 

Saammaateqatigiinnissamut Isumalioqatigiissitaq from Saammaatta on Vimeo.