Oqallitsitsineq iluatsilluartoq

Saammaateqatigiinnissamut Isumalioqatigiissitaq oqallitsitseqqammerpoq ataqqinaammik ilaasortaq professor Karla Jessen Williamson oqallissaarisutut saqqummiisoralugu qulequtarineqarluni “Siuarsagaanerup Kalunneri” pingasunngormat 3. Februar Nuummi.

Katuami inimi Ikinngutigiit inaanni innuttaasunik soqutiginnittunik ulikkaarpoq taakkulu saqqummiinermut tusarnaariartuupput aammalu pisunut oqaluttuarisaanermilu pisimasunik tunngassuteqartunik oqalliseqataasuullutik, inuianni ataasiakkaani ulluinnarisaanni inituujusuusut. Apeqquteqartoqarpoq aammalu isummanik ingerlatitseqqiisoqarluni soorlu oqariartuutinik inuunerup najoqqutarisap isumaannik, inuiaqatigiinni eqimattakkuutaani inooqatigiinnermi pissutsinut aammalu inuiaqatigiinni pissutsinut tunngassuteqartunik.

Oqalliseriaaseq atorneqartoq suliniutinilu periuserineqartoq isumalioqatigiissitap pilersaarutaanut ilaareersoq innuttaasunik peqataatitsisarnissamini periusissiarisamini, innuttaasunik qaninnerusumik attaveqarnissamut pilersitseqataasuusussaq.

“Isumalioqatigiissitaq innuttaasunik oqaloqateqarnermik pilersitserusuppoq aammalu kissaatigalugu ingerlaarnermi amerlanerpaat peqataatissallugit. Innuttaasut ataasiakkaat oqallinnerni peqataatinnerorusuppagut tusaaneqarniassammata, aammalu innuttaasut annertunerusumik saammaateqatigiinnissami suliap ilusilersornerani ingerlaneranilu sunniuteqaqataanissaannut periarfissikkusullugit. Oqallitsitsinerit pisunut tunngassuteqartut aammalu qulequttat tulluartut qulequtaralugit isumalioqatigiissitap periusaata ilagaa inuiaqatigiinnik oqaloqateqarsinnaanermini.

Ataqqinaammik ilaasortaq Karla Jessen Williamson soqutiginartumik ullutsinnullu naleqquttumik oqallitsitsinermik pilersitsisinnaasimavoq. Isumalioqatigiissitaq taamaasilluni oqariartuutinik arlariinnik tulluartunik pissarsisimavoq aammalu innuttaasut ilisimasaannik pissarsisimalluni. Isumalioqatigiissitap pilersaarutigaa oqallitsitsinerit arlariit ingerlattassallugit tullissaalu qilanaarilereerparput.” Taama oqarpoq Siulittaasoq Josef Therkildsen. 

 

 

Assit

 

Ataqqinaammik ilaasortap Dr. Karla Jessen Williamsonimit saqqummiunneqartoq

 

Qanorooq aamma Nuuk TV