Oqaluttuaara -liortitsineq

18-it sinnerlugit ukioqarpit, allaaserinnikkusullutillu? Maanna periarfissaqalerputit oqaluttualiornermik unammisitsinermi peqataanissannut.

Kalaallit Nunaanni inuiaqatigiit nutaaliaapput. 1950-ikkunnili inuiaqatigiit sukkasuumik ineriartorneq aqqusaagarisimavaat, ullutsinnilu kulturi tamalaanit akulerussimasunit avataaninngaanniit nunatsinniillu tunngaveqartumik pilersinneqarsimalluni.

Oqaluttualiornermik unammisitsinerup qulequtaraa “Issittup sapangaa”, nuna pilerinartoq nunarsuup avannarpasinnersaani inissisimasoq. Oqaluttualiami qulequttat qitiutinneqassapput Kalaallit Nunaata oqaluttuarisaanera, ineriartornera aammalu pissutsit. Kalaallit Nunaataana imaluunniit inuiaqatigiit suna pillugu saammaateqatigiissutigisinnaagaat? Siunissamilu Kalaallit Nunaat saammaateqatigiinnermut attuumassuteqartillugu qanoq isikkoqarpa?

Misigisatit, takorluukkatit imaluunniit isiginneriaatsitit pillugit oqaluttualiami allaaserikkit. Oqaluttualiaq 15-it 20-illu A4 akornanni qupperneqassaaq, naqinnerit angissusaat 12-ussapput titarnerillu akuttussusaat 1,5-iussallutik.

Pinnatassat ukuupput:

1)      MacBook Pro MF839

2)      Iphone 6s plus 64 GB Silver

3)      Ipad Pro wifi 128 GB Silver

 

Oqaluttualiaq nassiuguk uunga, atit, ukiutit, adressit oqarasuaatillu normua ilanngullugit:

Allakkatigut, kingusinnerpaamik septembarip 23-ani 2016:

Saammaateqatigiinnissamut Isumalioqatigiissitaq

Imaneq 4, Postbox 1015

3900 Nuuk

Imaluunniit e-mail aqqutigalugu, kingusinnerpaamik septembarip 30-iani 2016 uunga:

saammaatta@saammaatta.gl

Paasissutissat annertunerusut uani takukkit www.saammaatta.gl imaluunniit Facebookimi qupperneq “Saammaateqatigiinnissaq”.