Oqaluttuaaraliortitsinermi ajugaasut

Saammaateqatigiinnissamut Isumalioqatigiissitap oqaluttuaaraliornermik unammisitsinerani ajugaasuuvoq Lisathe Møller Kruse Nuumminngaanneersoq (Assimi saamerlermi). Oqaluttuaaraq “Eqqarsaatit silarsuaat sinnattorlu” kalaallisut allassimavaa. Unammisitsinermi normu 2-nngorpoq Irene Jeppson, aamma Nuumminngaanneersoq (Assimi qeqqani). Oqaluttuaaraq “Den hvide bastard”, kalaallisut nutserlugu “Qaamasoq akusaq” qallunaatut allassimavaa. Pingajuattut akissarsivoq Meqo Jensen Upernaviup nunaqarfianinngaanneersoq Kullorsuarmiit, oqaluttualiani kalaallisut allassimavaa qulequtaritillugu “Issittup sapangaa”. Meqo Kullorsuarmiimmat, qatanngutaa Anders Nielsen najuuttuuvoq qatanngunnilu sinnerlugu akissarsiassaanik tigusisuulluni (Assimi talerperlermi).